Language:

The Free and Open Productivity Suite
Apache OpenOffice 4.1.7 released
OpenOffice.org Esperanto

Elŝuti la programaron OpenOffice.org

Tute esperanta versio de OpenOffice.org ankoraŭ ne ekzistas. (Ni ankoraŭ bezonas volontulojn por traduki helpotekstojn.) La esperantan version de OpenOffice.org por MS Windows aŭ por Macintosh aŭ por Linukso oni estonte povos elŝuti el la retejoj de OpenOffice.org aŭ ties speguloj. Tamen diversaj niveloj de esperanteco jam disponeblas. OpenOffice.org jam estas tre utila por procesi esperantajn tekstojn.

Por Macintosh ekzistas plua ebleco: NeoOffice. Ĝi estas bazita sur OpenOffice.org, kaj celas enkorpigi eblojn specife por Mac OS X. NeoOffice ankaŭ estas senpaga programaro kun publika fontkodo. Iru al ĉi tiu paĝo por elŝuti la ĉefan parton kaj al ĉi tiu paĝo por elŝuti la lingvajn pakaĵojn bezonatajn de vi. Rulumu al "Esperanto" en la listo de lingvoj. Tie troviĝas du ebloj: por Mac-Intel-komputiloj kaj por Mac-PowerPC-komputiloj. Elektu por via komputilo. Poste elŝutu pakaĵon por kontroli literumadon.

Se vi ne jam havas nacilingvan version de OpenOffice.org necesas instali tian version. Por la angla kaj multnombraj alilingvaj versioj, oni povas elekti el la retejo de OpenOffice.org. Iru al la elŝuta paĝo kaj alklaku al "Get more platforms and languages, non-JRE versions" (pluaj platformoj kaj lingvoj ktp). En tiu paĝo elektu version laŭ via lingvo kaj via mastruma sistemo.

Se vi volas uzi esperantan interfacon en OpenOffice.org, instalu subtenon por Esperanto en via mastruma sistemo. Tio ne necesas se vi volas uzi vian nacilingvan interfacon por tajpi esperantajn tekstojn.

Kiam OpenOffice.org estas instalita en via sistemo, rulu ĝin kaj elektu menuerojn "Tools" (Iloj), "Options" (Ebloj) kaj alklaku la butonon apud "Language settings" (Lingvaj agordoj) kaj tiam "Languages" (Lingvoj). (Kompreneble, se vi uzas neanglan version, la menueroj ktp estos en via lingvo anstataŭ la angla.) Tie vi povas agordi al Esperanto la lingvon por la interfaco ("User interface") aŭ por la defaŭlta lingvo por dokumentoj ("Default languages for documents/Western").

La organizo E@I kun subteno de la Masaryk-Universitato kreis propran literumkontrolilon uzeblan por trovi tajperarojn en Esperantlingvaj tekstoj. Ĝi instaleblas kiel kromprogramo, kiam vi jam instalis OpenOffice.org mem. Eventualajn cimojn eblas anoncadi post senpaga registriĝo en Issue Tracker. Alternative eblas rekte elŝuti pakaĵon kun la literumkontrolilo jam inkluzivita, sed tiun oni ankoraŭ bezonas mem kompili. Faka priskribo de la literumkontrolilo en la angla lingvo troveblas en la retpaĝo de la projekto.

Por konvene tajpi esperantajn tekstojn estas bona ideo instali rimedon por faciligi tajpi la ĉapelitajn literojn. Iru al nia paĝo pri Esperanto kaj OpenOffice.org.

Skribu al La Esperantiga Skipo

Apache Events

Apache Software Foundation

Copyright & License | Privacy | Contact Us | Donate | Thanks

Apache and the Apache feather logo are trademarks of The Apache Software Foundation. OpenOffice, OpenOffice.org and the seagull logo are registered trademarks of The Apache Software Foundation. Other names appearing on the site may be trademarks of their respective owners.